უკრაინის თავდაცვის მინისტრის მოადგილის, ანა მალიარის განცხადებით, ქვეყნის თავდაცვის ძალებს ქალაქი ბახმუტი და ასევე ამ ქალაქში რუსი სამხედროების გადაადგილება საცეცხლე კონტროლის ქვეშ აქვთ აყვანილი.

მისივე თქმით, ეს შესაძლებელი გახდა ქალაქის გარშემო მთავარი სიმაღლეების დაკავების წყალობით.

„უკვე რამდენიმე დღეა ჩვენი სამხედროები საცეცხლე მხარდაჭერით აკონტროლებენ ქალაქ ბახმუტში შესასვლელებს და გასასვლელებს, ასევე ამ ქალაქში რუსი ჯარის გადაადგილებას. ეს შესაძლებელი გახდა იმის შემდეგ, რაც წინ წაწევის პროცესში ჩვენმა სამხედროებმა მოახერხეს ამ ქალაქის გარშემო არსებული სიმაღლეების დაკავება“, - აღნიშნა უკრაინის თავდაცვის მინისტრის მოადგილემ.