აშშ-ს პრეზიდენტი ჯო ბაიდენი ვილნიუსში ჩავიდა. აეროპორტში აშშ-ს პრეზიდენტს ლიეტუვას პრეზიდენტი გიტანას ნაუსედა დახვდა.

11 ივლისს, აშშ-ს პრეზიდენტის დახვედრის ოფიციალური ცერემონია ლიეტუვას პრეზიდენტის სასახლეში გაიმართება, რომლის შემდეგ პრეზიდენტებს შორის ორმხრივი შეხვედრა გაიმართება. შეხვედრაზე უკრაინის მხარდაჭერის, ნატოს აღმოსავლეთის ფლანგის გაძლიერების ღონისძიებების, ასევე, ბელარუსის მიერ უკრაინის წინააღმდეგ რუსული სამხედრო აგრესიის მხარდაჭერის საკითხები იქნება განხილული.

11 ივლისვე აშშ-ს პრეზიდენტი ნატოს სამიტში მიიღებს მონაწილეობას, სადაც ძირითადი ყურადღება ალიანსში უკრაინის გაწევრიანებაზე იქნება გამახვილებული.

აშშ-ს პრეზიდენტის დელეგაციაში სახელმწიფო მდივანი ენტონი ბლინკენიც შედის.