დიდი ბრიტანეთის თავდაცვის სამინისტროს განცხადებით, მოსკოვში მომუშავე სამშენებლო კომპანიების ხელმძღვანელებისგან უკრაინის წინააღმდეგ ომში მონაწილეობისთვის მოხალისეების გაგზავნას ითხოვენ, წინააღმდეგ შემთხვევაში კი, არსებული კონტრაქტების შეწყვეტით ემუქრებიან.

დიდი ბრიტანეთის დაზვერვის ცნობით, მუქარები მოსკოვის საქალაქო ხელისუფლებიდან მოდის და აღნიშნული ზომები ძირითადად ეროვნულ უმცირესობების წარმომადგენლებს შეეხება.

„ეს ზომები, პირველ რიგში, სავარაუდოდ, რუსეთის უფრო ღარიბ რეგიონებში მცხოვრებ ეროვნული უმცირესობების წარმომადგენლებს შეეხება, რადგან მშენებლობებზე ბევრი მათგანი მუშაობს”, - ნათქვამია დიდი ბრიტანეთის თავდაცვის სამინისტროს სადაზვერვო მიმოხილვაში.