გიტანას ნაუსედა - ბუქარესტის სამიტის შემდეგ, 15 წელია ვიმეორებთ ერთსა და იმავე ფრაზას, რომ ერთ დღეს უკრაინა ნატო-ს შეუერთდება, მაგრამ არასდროს გადაგვიდგამს ხელშესახები ნაბიჯი ამ გზაზე - პარადიგმის შეცვლის დროა

15 წლის განმავლობაში, ბუქარესტის სამიტის შემდეგ, ვიმეორებთ ერთსა და იმავე ფრაზას, რომ ერთ დღეს, უკრაინა ნატო-ს შეუერთდება, მაგრამ არასდროს გადაგვიდგამს რაიმე ხელშესახები ნაბიჯი ამ გზაზე, - ამის შესახებ ლიეტუვის პრეზიდენტმა, გიტანას ნაუსედამ ნატო-ს საჯარო ფორუმზე განაცხადა.

მისი თქმით, ევროპაში არ იქნება უსაფრთხოება და სტაბილურობა, თუკი უკრაინის მომავალი მკაფიოდ არ იქნება განსაზღვრული.

„ამავდროულად, რუსეთს არ უყოყმანია, შეჭრილიყო საქართველოში 2008 წელს და განეხორციელებინა ყირიმის უკანონო ანექსია 2014 წელს, გამოეწვია დესტაბილიზაცია დონბასში და დაეწყო სრულმასშტაბიანი შეჭრა უკრაინაში. პარადიგმის შეცვლის დროა. ევროპაში არ იქნება უსაფრთხოება და სტაბილურობა, თუკი უკრაინის მომავალი მკაფიოდ არ იქნება განსაზღვრული. მხოლოდ მე-5 მუხლს შეუძლია ნამდვილი უსაფრთხოების გარანტიების უზრუნველყოფა, რომელიც შეაკავებს რუსეთს მომავალი აგრესიის განხორციელებისგან. სხვა სასწაულებრივი ალტერნატივები არ არსებობს“, - განაცხადა ლიეტუვის პრეზიდენტმა.

მისი თქმით, იმედია აქვს, რომ ვილნიუსის სამიტზე მოკავშირეები გზას გაუხსნიან უკრაინის ნატო-ში გაწევრიანებას.

„ხვალ გვექნება ნატო-უკრაინის საბჭოს პირველი შეხვედრა, რაც ჩვენი პრაქტიკული და პოლიტიკური პარტნიორობის მნიშვნელოვანი განახლებაა. ასევე ვიმედოვნებ, რომ გავხსნით გზას უკრაინის ნატო-ში გაწევრიანებისკენ, რასაც მოჰყვება მოწვევა, როგორც კი გარემოებები ამის საშუალებას მოგვცემს“, - განაცხადა გიტანას ნაუსედამ.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
„არქიში“ ერთ დღეში 150 ბინა გაიყიდა