მეთიუ მილერი - რა გათვლაც და მოთხოვნებიც არ უნდა ჰქონდეს რუსეთს ნატო-ში უკრაინის გაწევრიანების არდაშვებასთან დაკავშირებით, ის ამაო იქნება - ჩვენ დღესაც ვადასტურებთ ამ პოზიციას - უკრაინა გახდება ნატო-ს წევრი
აშშ-ს სახელმწიფო დეპარტამენტის წარმომადგენლის, მეთიუ მილერის განცხადებით, რა გათვლაც და მოთხოვნებიც არ უნდა ჰქონდეს რუსეთს ნატო-ში უკრაინის გაწევრიანების არდაშვებასთან დაკავშირებით, ის ამაო იქნება.
მისივე თქმით, უკრაინაში სრულმასშტაბიან შეჭრამდე მოსკოვი ნატო-ში უკრაინის არშესვლაზე ვალდებულებების აღებას ითხოვდა, მაგრამ ვაშინგტონმა მკაფიოდ გააგებინა, რომ ეს საკითხი არ განიხილება.
„ჩვენ დღესაც ვადასტურებთ ამ პოზიციას - უკრაინა გახდება ნატო-ს წევრი”, - განაცხადა აშშ-ს სახელმწიფო დეპარტამენტის წარმომადგენელმა.
მან ასევე აღნიშნა, რა გათვლაც არ უნდა ჰქონდეს რუსეთის პრეზიდენტს ვლადიმერ პუტინს, საკმარისია უკრაინის უსაფრთხოების დარგში აშშ-ს მიერ გაწეული დახმარების გადახედვა, რომელსაც უკრაინა „ბრძოლის ველზე ძალიან კარგად იყენებს“.
