ნატოს გენერალური მდივნის, იენს სტოლტენბერგის განცხადებით, უკრაინა ნატოსთან ძალიან ახლოს დგას და ის მოუთმენლად ელის იმ დროს, როდესაც უკრაინას, როგორც მოკავშირეს შეხვდება.

აღნიშნული განცხადება ნატოს გენერალურმა მდივანმა ვოლოდიმირ ზელენსკის შეხვედრამდე გააკეთა. შეხვედრა ცოტა ხნის წინ დასრულდა.

მისივე თქმით, რუსეთთან ომის შემდეგ უკრაინისთვის უსაფრთხოების საიმედო მექანიზმები უნდა არსებობდეს, რომელიც მის წინააღმდეგ ნებისმიერ აგრესიას შეაჩერებს.

„ჩვენ უნდა უზრუნველვყოთ ის, რომ როცა ეს ომი დამთავრდება, უკრაინისთვის უსაფრთხოების საიმედო მექანიზმები არსებობდეს, რომლებიც ამ ქვეყანას რუსეთის მხრიდან ნებისმიერი მომავალი აგრესიის შეჩერებაში დაეხმარება“, - განაცხადა სტოლტენბერგმა.