ნორვეგიის თავდაცვის მინისტრის, ბიორნ არილდ გრამის განცხადებით, უკრაინა NASAMS-ის ორ დანადგარს და ათას Black Hornet-ის დრონს მიიღებს.

მისივე თქმით, აღნიშნული უკრაინისთვის ადრე გადაცემული ჰაერსაწინააღმდეგო თავდაცვის სისტემების მუშაობის გამძლეობას და მოქნილობას უზრუნველყოფს.

"ნორვეგია უკრაინას NASAMS-ის მხარდაჭერისთვის საჭირო პაკეტს გადასცემს, რომელიც ორ დამატებით ცეცხლის მართვის ცენტრს, ორ გამშვებ დანადგარს და სათადარიგო ნაწილებს მოიცავს“, - განაცხადა ნორვეგიის თავდაცვის მინისტრმა.

შეგახსენებთ, რომ მიმდინარე წელს ნორვეგიამ უკრაინისთვის სამხედრო დახმარების ფონდის მოცულობა 10 მლრდ. ნორვეგიულ კრონამდე გაზარდა.