ბასტილიის აღების დღესთან დაკავშირებით, რომელიც 14 ივლისს აღენიშნება, საფრანგეთის ხელისუფლება უსაფრთხოების უპრეცედენტო ზომებს მიმართავს.

საფრანგეთის შინაგან საქმეთა სამინისტროს ცნობით, საერთო ჯამში 130 ათასი სამხედრო, პოლიციელი, ჟანდარმი და მეხანძრე იქნება მობილიზებული, 45 ათასი მათგანი მორიგეობაზე უკვე დღეს გავა.

„საზოგადოებრივი წესრიგის დაცვაში ასევე ჟანდარმერიის ვერტმფრენები, უპილოტოები და ჯავშანტექნიკა იქნება ჩართული. ჩვენს მიზანს ახლახან ჩაწყნარებული არეულობების თავიდან აცილება წარმოადგენს“, - განაცხადა უწყების ხელმძღვანელმა ჟერალდ დარმანენმა.