რუსეთის პრეზიდენტმა ვლადიმერ პუტინმა, კიევისთვის რაკეტების და ტანკების მიწოდებაზე საუბრისას, „რასია 24“-ის ეთერში განაცხადა, რომ ისინი ზიანს აყენებენ, მაგრამ საბრძოლო ზონაში მათ გამო კრიტიკული არაფერი ხდება.

„რაც შეეხება სხვადასხვა სახეობის იარაღის მიწოდებას, ჩვენ ვნახეთ, რამხელა იმედები დაამყარეს საკმარისად დიდი დიაპაზონის რაკეტების მიწოდებაზე. დიახ, ისინი ზიანს აყენებენ, მაგრამ საბრძოლო ზონაში რაკეტების გამოყენებისას, კრიტიკული არაფერი ხდება. ასევეა უცხოური წარმოების ტანკებზე, ქვეით საბრძოლო მანქანებზე“, - განაცხადა პუტინმა.

მანვე აღნიშნა, რომ „გუშინ საღამოს მდგომარეობით, მხოლოდ 4 ივნისის შემდეგ განადგურდა 311 ტანკი, მათი მნიშვნელოვანი ნაწილი, მინიმუმ, მესამედი, დასავლური წარმოების, მათ შორის „ლეოპარდები“.

პუტინის თქმით, უცხოური ტანკები საბჭოთა წარმოების მანქანებზე უკეთ იწვის.

„ისინი იწვის ისევე, როგორც ყველა. უკეთესადაც კი, ვიდრე დანარჩენი საბჭოთა წარმოების T-72-ები“ - თქვა მან.