უკრაინამ სუვერენიტეტი დიდი ხნის წინ დაკარგა, - მედიის ინფორმაციით, ამის შესახებ უნგრეთის პრემიერ-მინისტრმა ვიქტორ ორბანმა რადიო Kossuth-თან საუბრისას განაცხადა.

უკრაინაში კონფლიქტის დასრულების შესაძლებლობის შესახებ დასმულ კითხვაზე ორბანმა უპასუხა: „ამერიკელებს რომ ეს სურდეთ, ხვალ დილით მშვიდობა იქნებოდა. რატომ არ სურთ მათ ეს? ჩვენ ამ კითხვაზე პასუხი ნატო-ს სამიტზე ვერ მივიღეთ", - განაცხადა ორბანმა.

მისი თქმით, უკრაინამ სუვერენიტეტი დიდი ხნის წინ დაკარგა და ქვეყანაში არსებულ მდგომარეობას დასავლეთის სახელმწიფოები, პირველ რიგში შეერთებული შტატები, განსაზღვრავენ.