აშშ-ს კონგრესის წარმომადგენელთა პალატამ ქვეყნის მომავალი წლის თავდაცვის ბიუჯეტს დაუჭირა მხარი, რომელშიც უკრაინის უსაფრთხოების მხარდაჭერაზე 300 მილიონი აშშ დოლარია ჩადებული.

მედიის ცნობით, ჩავარდა ხუთივე ცვლილებების პროექტი, რომელიც უკრაინისთვის დახმარების შემცირებასა ან საერთოდ შეწყვეტას ითვალისწინებდა.

„უკრაინის დახმარებისთვის გათვალისწინებული 300 მილიონი აშშ დოლარი - ეს ის თანხაა, რომლის გამოყოფას აშშ-ს პრეზიდენტის, ჯო ბაიდენის ადმინისტრაცია ითხოვდა, მაგრამ ამავდროულად 500$ მილიონი აშშ დოლარით ნაკლებია იმაზე, რაც წინა წელს იყო შეთანხმებული“, - იუწყება „ამერიკის ხმა“.

შეგახსენებთ, რომ შარშან აშშ-ს თავდაცვის ბიუჯეტის ფარგლებში უკრაინისთვის 800 მილიონი აშშ დოლარი იყო გამოყოფილი.