რიგგარეშე არჩევნები ნიდერლანდების სამეფოში 22 ნოემბერს ჩატარდება. ამის მიზეზი მმართველ კოალიციაში სამიგრაციო პოლიტიკის საკითხებთან დაკავშირებული უთანხმოება გახდა, რის გამოც, ქვეყნის მთავრობამ გადადგომის შესახებ გადაწყვეტილება მიიღო.

ნიდერლანდების პრემიერ-მინისტრის მოვალეობების შემსრულებლის, მარკ რიუტეს განცხადებით, ის მე-5 ვადით არჩევნებში მონაწილეობას აღარ აპირებს და არჩევნების შემდეგ პოლიტიკას საერთოდ დატოვებს.

შეგახსენებთ, რომ ნიდერლანდების პრემიერ-მინისტრის თანამდებობას რიუტე 2010 წლის 14 ოქტომბრის შემდეგ იკავებდა - ეს ქვეყნის ისტორიაში ამ თანამდებობის დაკავების ხანგრძლივობის რეკორდული მაჩვენებელია.