ყირიმის ხიდს წუხელ ორი უკრაინული დრონი დაესხა თავს, - ინფორმაციას რუსული მედია ეროვნულ ანტიტერორისტულ კომიტეტზე დაყრდნობით ავრცელებს.

„03:05 საათზე ყირიმის ხიდს ორი უპილოტო საფრენი აპარატი დაესხა თავს. ტერაქტის შედეგად დაზიანდა ყირიმის ხიდის საავტომობილო ნაწილი. დაიღუპა ორი ზრდასრული და დაშავდა ერთი ბავშვი", - ნათქვამია უწყების პრესრელიზში.

მათივე ინფორმაციით, სისხლის სამართლის საქმე „ტერორისტული აქტის“ მუხლით აღიძრა.