ყირიმის ხიდის აფეთქების შედეგად რუსეთის მიერ ანექსირებული ყირიმის გადასასვლელებზე მრავალკილომეტრიანი საცობი შეიქმნა.

მედიის ნცნობით, რუსეთის ფედერაციის ხელისუფლების რჩევით, ტურისტებმა ნახევარკუნძული უკრაინის ოკუპირებული რეგიონების გავლით უნდა დატოვონ.

რუსეთის ტრანსპორტის სამინისტროს განცხადებით, შექმნილია საბორნო გადასასვლელები, რომლებიც მხოლოდ და მხოლოდ სატვირთო მანქანებსა და ავტობუსებს გამოუშვებს.

ასევე უწყების განცხადებით, ამისთვის ოკუპირებული ხერსონის, ზაპოროჟიეს და დონეცკის ოლქების „ხელისუფლებამ“ შესაბამის მარშრუტებზე "კომენდანტის საათიც" კი გააუქმა.