ენტონი ბლინკენი - უკრაინას სრული უფლება აქვს გადაწყვიტოს, როგორ აწარმოოს ომი, დაიცვას თავის ტერიტორია, ხალხი და თავისუფლება
აშშ-ს სახელმწიფო მდივნის, ენტონი ბლინკენის განცხადებით, ამერიკული მხარე ქერჩის ხიდის დაზიანებასთან შექმნილ ვითარებას ყურადღებით აკვირდება.
მისივე თქმით, უკრაინას თავისი ტერიტორიის და ადამიანების დაცვის ყველანაირი უფლება აქვს.
"რაც შეეხება ყირიმის ხიდს, ჩვენ ვაკვირდებით ამ ვითარების განვითარებას, ამასთან უკრაინას სრული უფლება აქვს გადაწყვიტოს, როგორ აწარმოოს ომი, დაიცვას თავის ტერიტორია, თავისი ხალხი და თავისუფლება“, - განაცხადა ბლინკენმა.
