ბელარუსის პრეზიდენტის პრესსამსახურის ცნობით, ალექსანდრე ლუკაშენკომ სახალხო ლაშქრის შექმნის შესახებ კანონს მოაწერა ხელი.

უწყების მიერ გავრცელებულ ინფორმაციაში აღნიშნულია, რომ დოკუმენტი რესპუბლიკის მოქალაქეებისთვის ადმინისტრაციულ-ტერიტორიულ ერთეულებში დაწესებულ სამხედრო მდგომარეობის უზრუნველყოფაში ნებაყოფლობით მონაწილეობისთვის საჭირო სამართლებრივი საფუძვლების შექმნას ემსახურება. ასევე მასში შეტანილია დამატებითი პირობები საკუთრების ნებისმიერი ფორმის ქონების დაცვისთვის.