დიდი ბრიტანეთის თავდაცვის სამინისტროს სადაზვერვო მონაცემების თანახმად, ბოლო კვირის განმავლობაში სხვადასხვა სფეროში რუსეთ-უკრაინის ომის ორივე მხარემ უმნიშვნელო პროგრესს მიაღწია.

„უკრაინა ბახმუტის რაიონში მნიშვნელოვანი რესურსების შეყვანას განაგრძობს, რუსები ჯერჯერობით ამ ტერიტორიას არ თმობენ და დასავლეთისკენ წინ წაწევას ცდილობენ“, - ნათქვამია განცხადებაში.

სადაზვერვო ინფორმაციით, უკრაინის შეიარაღებული ძალები როგორც მინიმუმ ორი მიმართულებით უტევენ, მაგრამ რუსეთის ჯარის თავდაცვის ძირითადი ხაზები ჯერ არ გაურღვევია.