დონალდ ტრამპი აცხადებს, რომ კაპიტოლიუმში შეჭრის საქმეზე დაკავებას ელის

აშშ-ის ყოფილი პრეზიდენტის დონალდ ტრამპის განცხადებით, იგი დაკავებას ელის აშშ-ის კაპიტოლიუმში 6 იანვრის შეჭრასთან და 2020-ის არჩევნების შედეგებთან დაკავშირებით. ამის შესახებ იგი Truth Social-ის პირად გვერდზე წერს.

ტრამპის თქმით, მან წერილი მიიღო, რომელიც “ამბობს, რომ მე ვარ 6 იანვრის ნაფიც მსაჯულთა გამოძიების სამიზნე და ძალიან მოკლე, 4 დღის ვადას მაძლევდა, რომ ნაფიც მსაჯულთა სასამართლოში გამოვცხადდე, რაც თითქმის ყოველთვის დაპატიმრებას და ბრალის წაყენებას ნიშნავს”, - წერს ტრამპი.