აშშ-ს ექს-პრეზიდენტის, დონალდ ტრამპის განცხადებით, გამარჯვების შემთხვევაში ის ევროპას იმ შეიარაღების მარაგების აღდგენისთვის საჭირო თანხის გადახდას მოსთხოვს, რომელიც ვაშინგტონმა რუსეთის წინააღმდეგ ომში უკრაინის მხარდაჭერისთვის გამოიყენა.

მისივე თქმით, სამი წლის წინ მან სრულად აღადგინა აშშ-ს შეიარაღებული ძალები და ამერიკა ძლიერ გლობალურ პოზიციაზე გაიყვანა.

„ახლა კი არსენალი ცარიელია, მარაგები არ არის, ხაზინა ცარიელია. ჩვენი ქვეყანა სრულიად დამცირებულია და ჩვენ გვყავს კორუმპირებული, თაღლითი პრეზიდენტი, რომელიც ქვეყანას მესამე მსოფლიო ომში ჩაითრევს“, - დასძინა ტრამპმა.