ევროკომისიის სამეზობლო პოლიტიკისა და გაფართოების საკითხებზე მოლაპარაკებების გენერალური დირექტორატის გენერალური დირექტორი გერტ იან კოპმანი აცხადებს, რომ საქართველოს საგარეო საქმეთა მინისტრთან, ილია დარჩიაშვილთან შეხვედრაზე 12 რეკომენდაციასთან დაკავშირებით ისაუბრეს.

„საქართველოს საგარეო საქმეთა მინისტრთან შესანიშნავი დისკუსია მქონდა 12 რეკომენდაციასთან დაკავშირებით საქართველოს პროგრესზე. ევროკომისია მიესალმება საქართველოს ინტერესს, მიაღწიოს პროგრესს შემდეგი კვირების განმავლობაში. ამას ერთად განვიხილავთ თბილისში, მომავალ თვეში“, – წერს გერტ იან კოპმანი „ტვიტერზე“.

შეგახსენებთ, ილია დარჩიაშვილმა ბრიუსელში, სამუშაო ვიზიტის ფარგლებში შეხვედრები გამართა ევროკომისართან გაფართოებისა და სამეზობლო პოლიტიკის საკითხებში, ოლივერ ვარჰეისთან და ევროკომისიის სამეზობლო პოლიტიკისა და გაფართოების საკითხებზე მოლაპარაკებების გენერალური დირექტორატის გენერალურ დირექტორთან გერტ იან კოპმანთან.