დიდი ბრიტანეთის საგარეო უწყების განცხადებით, მალის რესპუბლიკაში, სუდანსა და ცენტრალურ აფრიკაში „ვაგნერის“ ქმედებასთან დაკავშირებით, 13 ფიზიკური და იურიდიული პირის წინააღმდეგ სანქციები შემოიღეს
დიდი ბრიტანეთის საგარეო საქმეთა სამინისტროს განცხადებით, მალის რესპუბლიკაში, სუდანში და ცენტრალური აფრიკის რესპუბლიკაში კერძო სამხედრო კომპანიის „ვაგნერის“ ქმედებასთან დაკავშირებით 13 ფიზიკური და იურიდიული პირის წინააღმდეგ სანქციები შემოიღეს.
განცხადებაში ასევე აღნიშნულია, რომ „ვაგნერის“ ჯგუფი ზემოაღნიშნული ქვეყნების ტერიტორიაზე დაუსჯელად მოქმედებს.
„სადაც არ უნდა იმუშაოს ამ კომპანიამ, უკრაინა იქნება ეს თუ სხვა, ეს კატასტროფულ ზეგავლენას ახდენს ამ ქვეყნის ტერიტორიაზე არსებულ საზოგადოებებზე, აღრმავებს არსებულ კონფლიქტებს და მასპინძელი ქვეყნების რეპუტაციას ლახავს“, - ნათქვამია განცხადებაში.
შეგახსენებთ, რომ მანამდე დიდი ბრიტანეთის სანქციებს ქვეშ კერძო სამხედრო კომპანია „ვაგნერის“ დამფუძნებელი, ევგენი პრიგოჟინი და ამ დაჯგუფების რამდენიმე საკვანძო მეთაური მოხდა.
