აშშ-ის სახელმწიფო მდივნის ენტონი ბლინკენის განცხადებით, „ვაგნერის” ლიდერმა ევგენი პრიგოჟინმა საკუთარ უსაფრთხოებაზე უნდა ინერვიულოს. ამის შესახებ ბლინკენმა კოლორადოში უსაფრთხოების ასპენის ფორუმზე განაცხადა.

„ბატონი პრიგოჟინის ადგილას ძალიან შეშფოთებული ვიქნებოდი. ნატო ღია კარის პოლიტიკას ატარებს; რუსეთი ღია ფანჯრის პოლიტიკას ატარებს და იგი ძალიან კონცენტრირებული უნდა იყოს ამაზე“, - განაცხადა ბლინკენმა.

სახელმწიფო მდივნის აზრით, რთულია იმის თქმა თუ რამდენად შესუსტდა რუსეთის პრეზიდენტი ვლადიმირ პუტინი პრიგოჟინის წინა თვის მოკლევადიანი აჯანყებით, მაგრამ გაიმეორა, რომ მის რეჟიმში „ბზარები” გაჩნდა.