სალომე ზურაბიშვილი - რუსეთის მიერ უკრაინაში ჩადენილი მორიგი სამხედრო დანაშაული - უმკაცრესად ვგმობ ოდესასა და მის მშვიდობიან მოსახლეობაზე თავდასხმებს
რუსეთის მიერ უკრაინაში ჩადენილი მორიგი სამხედრო დანაშაული! - ასე ეხმაურება საქართველოს პრეზიდენტი, სალომე ზურაბიშვილი უკრაინის ქალაქ ოდესაზე რუსული ძალების მიერ განხორციელებულ თავდასხმას.
„უმკაცრესად ვგმობ თავდასხმებს იუნესკოს მსოფლიო მემკვიდრეობის ძეგლზე - ოდესასა და მის მშვიდობიან მოსახლეობაზე, ვგმობ საერთაშორისო სამართლის ყველა ნორმის უხეშ დარღვევას“, - წერს სალომე ზურაბიშვილი „ტვიტერზე“.
შეგახსენებთ, რუსულმა ძალებმა უკრაინის საპორტო ქალაქ ოდესაზე წუხელ კიდევ ერთი თავდასხმა განახორციელა, რის შედეგადაც ერთი ადამიანი დაიღუპა, 22 კი, მათ შორის ოთხი ბავშვი, დაშავდა. სარაკეტო დარტყმის შედეგად განადგურდა ექვსი საცხოვრებელი სახლი, მათ შორის კორპუსი, ორი არქიტექტურული ძეგლი და ტაძარი.
