ვლადიმერ პუტინმა ხელი მოაწერა კანონს სამხედრო რეზერვისტებისთვის ასაკობრივი ზღვარის გაზრდის შესახებ

ვლადიმერ პუტინმა ხელი მოაწერა კანონს სამხედრო რეზერვისტებისთვის ასაკობრივი ზღვარის გაზრდის შესახებ

რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც რუსეთის სამხედრო რეზერვში ყოფნის ასაკობრივ ზღვარს, გარკვეული კატეგორიის მოქალაქეებისთვის, 5 წლით ზრდის.

„სამხედრო მოვალეობისა და სამხედრო სამსახურის შესახებ“ ფედერალურ კანონში შეტანილი ცვლილებების თანახმად, ჯარისკაცებისთვის, მეზღვაურებისთვის და სერჟანტებისთვის ასაკობრივი ზღვარი ადრე არსებული 35-დან 40 წლამდე იზრდება, ზემდეგებისთვისა და "პრაპორშჩიკებისთვის", 45-დან 50 წლამდე, ხოლო მიჩმანებისთვის 50-დან 55 წლამდე.

გარდა ამისა, კანონი ახანგრძლივებს სამობილიზაციო რეზერვში მყოფთა ასაკობრივ ზღვარსაც.

ახალი წესები 2024 წლის 1 იანვრიდან ამოქმედდება.