ვოლოდიმირ ზელენსკი აცხადებს, რომ ევროკავშირის წევრობასთან დაკავშირებულ მოლაპარაკებებზე უკრაინა წელს უნდა გავიდეს
უკრაინის პრეზიდენტის, ვოლოდიმირ ზელენსკის განცხადებით, ევროკავშირის წევრობასთან დაკავშირებულ მოლაპარაკებაზე ქვეყანა წელს უნდა გავიდეს.
ვოლოდიმირ ზელენსკიმ აღნიშნა, რომ უკრაინა ამისთვის მზად არის, რადგან ყველა პირობას ასრულებს.
„ჩვენ ყველაფერს ვაკეთებთ იმისთვის, რომ ევროკავშირის მხრიდან მზაობაც სრული იყოს. ეს ამ წელს უნდა მოხდეს“, – განაცხადა უკრაინის პრეზიდენტმა.
შეგახსენებთ, რომ კანდიდატის სტატუსი უკრაინამ 2022 წლის 23 ივნისს მიიღო და იმისთვის, რომ ეს სტატუსი არ დაკარგოს, შემოდგომისთვის ევროკომისიის შვიდი მოთხოვნა უნდა შეასრულოს.
