უკრაინის პრეზიდენტმა, ვოლოდიმირ ზელენსკიმ გამოაქვეყნა ვიდეო, სადაც უკრაინელი სამხედროები აცხადებენ, რომ დონეცკის ოლქის სოფელი სტარომაიორსკე რუსი ოკუპანტებისგან გაათავისუფლეს.

“ჩვენი სამხრეთი! ჩვენი ბიჭები! დიდება უკრაინას!” - წერს ზელენსკი „ტელეგრამ“ არხზე.

ვიდეოში 35-ე ბრიგადის მებრძოლები აცხადებენ, რომ მათ სოფელი სტარომაიორსკე „არეის“ ტერიტორიული თავდაცვის ბატალიონთან ერთად გაათავისუფლეს.

თავდაცვის მინისტრის მოადგილემ, ანა მალიარმა ასევე გაავრცელა ინფორმაცია სტარომაიორსკეს დეოკუპაციის შესახებ.

"დონეცკის ოლქის სტარომაიორსკე გაათავისუფლეს. ახლა ჩვენი დამცველები აგრძელებენ დასახლების გაწმენდას", - წერს ანა მალიარი „ტელეგრამ“ არხზე.