პოლონურ კომპანიებში დასაქმებული სატვირთო მანქანების ქართველი მძღოლები, რომელთაც ევროპის სხვადასხვა ქვეყნებში ტვირთი გადააქვთ, დახმარებას ითხოვენ

პოლონურ კომპანიებში - LUKMAZI, AGMAZI და IMPERIA დასაქმებული სატვირთო ავტომობილის 120 ქართველი მძღოლი, რომელსაც ევროპის სხვადასხვა ქვეყნებში ტვირთი გადააქვს, დახმარებას ითხოვს.

როგორც „ინტერპრესნიუსს“ სატვირთო ავტომობილის ერთ-ერთმა მძღოლმა გიორგი გიგოლაშვილმა განუცხადა, 120-ვე ქართველი მძღოლი ამ დროისთვის გერმანიაშია შეკრებილი და კომპანიებისგან კუთვნილი დავალიანების ანაზღაურებას ითხოვენ.

„თავდაპირველად, 20-მა მძღოლმა ხელფასის დაგვიანებისა და ხელფასის ნაწილის უმიზეზოდ ჩამოჭრის გამო გამოთქვა პროტესტი. ამ მძღოლებმა ეს პროტესტი დაახლოებით, 1 კვირის წინ გამოთქვეს. ამის შემდეგ დანარჩენ მძღოლებს კომპანიის წარმომადგენლები დაგვიკავშირდნენ და გვკითხეს, ვაგრძელებდით თუ არა იმავე კომპანიასთან თანამშრომლობას. ჩვენ ვუთხარით, რომ გვსურდა ამ თანამშრომლობის გაგრძელება. გვინდოდა იქ მუშაობის გაგრძელება, მაგრამ დამსაქმებელს არ სურდა ჩვენთან თანამშრომლობის გაგრძელება. სწორედ ამიტომ შემოვუერთდით ჩვენც 20 მძღოლის მიერ დაწყებულ პროტესტს. ჩვენ გვინდოდა მუშაობა, მაგრამ თავად მათ აღარ სურდათ საკუთრივ ქართველ მძღოლებთან თანამშრომლობა. ქართველ მძღოლებთან დაკავშირებით იყო უარყოფითი პოზიცია გამოხატული. ჩვენ ვითხოვთ, რომ სრულად აგვინაზღაურდეს ჩვენი ნამუშევარი იმ დღემდე, სანამ მანქანებს გავაჩერებდით. მძღოლების უმეტესობას 55 დღის დავალიანება აქვთ. მათ ნაწილს კი ეს თანხები უმიზეზოდ აქვთ ჩამოჭრილი. ცხადია, ჩვენი მოთხოვნა ამ თანხების ანაზღაურებაცაა. ამ ურთიერთობის გაწყვეტა მოისურვა თავად კომპანიამ და არ ყოფილა ჩვენი ინიციატივით“, - განაცხადა გიორგი გიგოლაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024