რუსეთის პარლამენტის ზედა პალატამ, რუსეთის ფედერაციის საბჭომ მხარი დაუჭირა კანონს, რომელიც სამხედრო სამსახურში გაწვევის ასაკის 27-დან 30 წლამდე გაზრდას ითვალისწინებს.

მედიის ინფორმაციით, ინიციატივას მხარი დაუჭირა 159-მა დეპუტატმა, ერთმა კი თავი შეიკავა.

პირველი მოსმენით სახელმწიფო დუმამ მხარი დაუჭირა გაწვევის ქვედა ზღვრის 18-დან 21 წლამდე გაზრდას, მაგრამ მეორე მოსმენით უარი თქვა ამ ცვლილებაზე და შესაბამისად, სამხედრო სამსახურში გაწვევის ქვედა ზღვარი უცვლელი დარჩა.

კანონი 2024 წლის 1-ელი იანვრიდან ამოქმედდება.