დონალდ ტრამპის განცხადებით,  დაპატიმრების შემთხვევაშიც გააგრძელებს პრეზიდენტის პოზიციისთვის ბრძოლას

აშშ-ის ყოფილი პრეზიდენტის დონალდ ტრამპის განცხადებით, იგი დაპატიმრების შემთხვევაშიც გააგრძელებს პრეზიდენტის პოზიციისთვის ბრძოლას. ამის შესახებ მან ჯონ ფრედერიქსთან ინტერვიუში განაცხადა.

კითხვაზე, შეაჩერებს თუ არა საიდუმლო დოკუმენტების არასათანადოდ მოპყრობის საქმეზე მის წინასაარჩევნო კამპანიას, ტრამპმა უპასუხა, რომ “არავითარ შემთხვევაში.”

“კონსტიტუციაში არაფერი წერია იმის შესახებ, რომ ეს შეიძლება მოხდეს და მემარცხენე რადიკალური ჭკუაშეშლილებიც ამბობენ, რომ არა, არ შეაჩერებს… და მეც ეს არ შემაჩერებს. ეს ხალხი ავად არის. ის, რასაც ისინი აკეთებენ, სრულიად საშინელია”, - განაცხადა ტრამპმა.