პაკისტანის ხაიბერ-პახტუნხვას პროვინციაში, პოლიტიკური პარტია ჯამიათ ულემა-ე-ისლამ-ფაზლის მხარდამჭერების შეხვედრაზე მომხდარი აფეთქების შედეგად დაღუპულთა რაოდენობა 44-მდე, დაშავებულების რიცხვი კი 200-მდე გაიზარდა.

ადგილობრივი პოლიციის განცხადებით, აფეთქება თვითმკვლელმა ტერორისტმა იმ სცენასთან ახლოს განახორციელა, სადაც პარტიის რამდენიმე ლიდერი იმყოფებოდა. პოლიციის ინფორმაციით, წინასწარი გამოძიების თანახმად, თავდასხმის უკან, სავარაუდოდ, ე.წ. "ისლამური სახელმწიფო" დგას.

მომხდარზე პასუხისმგებლობა, ჯერჯერობით, არავის აუღია. ბაზართან ახლოს მდებარე დარბაზში ჯამიათ ულემა-ე-ისლამ-ფაზლის 500-ზე მეტი მხარდამჭერი იმყოფებოდა, როდესაც აფეთქება მოხდა.