ეს უკვე ერთგვარი ყოველდღიური გენოციდური რეალობაა, - ასე ეხმაურება პრეზიდენტის ადმინისტრაციის ხელმძღვანელის მრჩეველი, მიხაილო პოდიოლიაკი კრივი-რიჰზე რუსული ძალების მიერ განხორციელებულ სარაკეტო თავდასხმას.

მისი თქმით, საერთაშორისო სამართალი არასოდეს იმუშავებს, თუ რუსეთი მის უკან რეალურ ძალას ვერ დაინახავს.

"ეს უკვე ერთგვარი ყოველდღიური გენოციდური რეალობაა. კრივი-რიჰი. რუსულმა რაკეტამ კიდევ ერთი საცხოვრებელი კორპუსი გაანადგურა. დაშავდა 53, დაიღუპა 4, მათ შორის 45 წლის ქალი და მისი 10 წლის ქალიშვილი. საერთაშორისო სამართალი არასოდეს იმუშავებს, თუ აგრესორი მის უკან რეალურ ძალას ვერ დაინახავს. ძალა იწყება უკრაინის ცის დახურვით, რაკეტსაწინააღმდეგო და საჰაერო თავდაცვის სისტემებით", - წერს პოდოლიაკი "ტვიტერზე".

შეგახსენებთ, რუსულმა ძალებმა კრივი-რიჰზე სარაკეტო თავდასხმა განახორციელეს. ერთი რაკეტა საგანმანათლებლო დაწესებულების ოთხსართულიან შენობას მოხვდა, მეორე კი მაღალსართულიან კორპუსს, რის შედეგადაც მისი ნაწილი განადგურდა.