კიევი და ზაგრები ხორვატიის პორტების უკრაინული მარცვლეულის ექსპორტისთვის გამოყენების "შესაძლებლობაზე" შეთანხმდნენ, - ამის შესახებ უკრაინის საგარეო საქმეთა მინისტრმა, დმიტრო კულებამ ხორვატიელ კოლეგასთან, გორდან გრლიჩ-რადმანთან შეხვედრის შემდეგ განაცხადა.

„შევთანხმდით და დუნაისა და ადრიატიკის ზღვაზე ხორვატიის პორტების უკრაინული მარცვლეულის ტრანსპორტირებისთვის გამოყენების შესაძლებლობაზე. ახლა ჩვენ ვიმუშავებთ ამ პორტებისკენ ყველაზე ეფექტური მარშრუტების შესაქმნელად", - განაცხადა კულებამ.

მისი თქმით, ექსპორტის განბლოკვაში შეტანილი წვლილი მსოფლიოს სასურსათო უსაფრთხოებაში მსოფლიოს სასურსათო უსაფრთხოებაში შეტანილი რეალური წვლილია.

„ექსპორტის განბლოკვაში შეტანილი ყოველი წვლილი, ყოველი ღია კარი არის რეალური, ეფექტური წვლილი მსოფლიოს სასურსათო უსაფრთხოებაში. მადლობელი ვარ ხორვატიის კონსტრუქციული დახმარების აღმოჩენისთვის“, - აღნიშნა კულებამ.