ჩინეთში ტაიფუნ "დოქსურს" მინიმუმ 11 ადამიანი ესმხვერპლა, 27 კი დაკარგულად ითვლება, - ინფორმაციას ჩინეთის სახელმწიფო მაუწყებელი CCTV-ი ავრცელებს.

მათივე ინფორმაციით, კოკისპირული წვიმების შედეგად დედაქალაქსა და მიმდებარე რეგიონში მდინარეები და ნაკადულები სახიფათო დონემდეა ადიდებული.

ხელისუფლებამ პეკინში, მთიან ტერიტორიებზე 100-ზე მეტი გზა გადაკეტა და 52 000 ადამიანის ევაკუაცია განახორციელა. დაკეტილია რკინიგზისა და მეტროს ბევრი სადგური.

ჩინეთის მთავრობამ პეკინში, მატარებლებში ჩარჩენილი მგზავრებისთვის მარაგის მისაწოდებლად 4 სამხედრო ვერტმფრენი განათავსა.

ამასთან, ჩინეთი კიდევ ერთი ტაიფუნისთვის, "ხანუნისთვის" ემზადება, რომელიც, ჩინეთის აღმოსავლეთ სანაპიროს, სავარაუდოდ, კვირის ბოლოს დაატყდება თავს. "ხანუნი" ჩინეთისთვის მიმდინარე წელს მეექვსე ტროპიკული ქარიშხალი იქნება.