რუსული მედიის ცნობით, ბოლო დღე-ღამის განმავლობაში რუსეთში 9 სამხედრო კომისარიატის დაწვა სცადეს.

გავრცელებული ინფორმაციით, სამხედრო კომისარიატების შენობებისთვის ცეცხლის წაკიდების მცდელობები მოსკოვის ოლქის ქალაქ მოჟაისკსა და პოდოლსკში, ვორონეჟის ოლქში, ყაზანში, ომსკში, სანქტ-პეტერბურგში, კალუგაში, ვერხნეურალსკში და კოპეისკში დაფიქსირდა.

ქალაქ კოპეისკში სამხედრო კომისარიატის შენობისთვის ცეცხლის წაკიდებისთვის 54 წლის ქალბატონი დააკავეს. მან შენობაში განთავსებულ სამედიცინო კაბინეტს „მოლოტოვის კოქტეილი“ ესროლა.

ცეცხლის წაკიდების ბრალდებით 34 წლის ქალი დაკავებულია ვერხნეურალსკში და 78 წლის ქალი - ქალაქ კალუგაში.