უკრაინის საელჩო ბათუმის აქციაზე დაკავებული უკრაინელი მოქალაქის საქმეზე მუშაობს. ამის შესახებ უკრაინის საგარეო საქმეთა სამინისტროს სპიკერმა ოლეგ ნიკოლენკომ განაცხადა.

“საქართველოში უკრაინის საელჩო მუშაობს უკრაინელი მოქალაქის საქმეზე, რომელიც ქ. ბათუმში საპროტესტო აქციაზე დააკავეს. კონსულმა უკრაინელი ქალის მონახულების ნებართვა მოითხოვა, რათა მისი ჯანმრთელობის მდგომარეობა შეამოწმოს. პარალელურად დიპლომატები გათავისუფლების საკითხზე მუშაობენ”, - განაცხადა ნიკოლენკომ.

ცნობისთვის, 31 ივლისს რუსული საკრუიზო ლაინერის წინააღმდეგ ბათუმის საპროტესტო აქციაზე სამართალდამცავებმა 23 ადამიანი დააკავეს, მათ შორის უკრაინის მოქალაქე ქალი. დაკავებულის ადვოკატის თქმით, მას მცირე ხულიგნობასა და სამართალდამცავებისადმი დაუმორჩილებლობაში სდებენ ბრალს.