პენტაგონი პოლონეთის საზღვარზე ბელარუსულ ვერტმფრენებთან დაკავშირებულ ინციდენტზე - გავაგრძელებთ მუშაობას, რომ ალიანსის ყოველი კვადრატული სანტიმეტრი დაცული იყოს

პენტაგონი პოლონეთის საზღვარზე ბელარუსულ ვერტმფრენებთან დაკავშირებულ ინციდენტზე - გავაგრძელებთ მუშაობას, რომ ალიანსის ყოველი კვადრატული სანტიმეტრი დაცული იყოს

პენტაგონი ბელარუსული ვერტმფრენების მიერ პოლონეთის საჰაერო სივრცის დარღვევის ფაქტს ეხმაურება და აცხადებს, რომ შეერთებული შტატები ნატო-ს ქვეყნების უსაფრთხოების დაცვას გააგრძელებს.

„გავაგრძელებთ ნატო-ს უსაფრთხოების მიმართ ძალიან სერიოზულად მოპყრობას და გავაგრძელებთ მუშაობას ნატო-ს მოკავშირეებთან, რათა უზრუნველვყოთ, რომ ალიანსის ყოველი კვადრატული სანტიმეტრი დაცული იყოს“, - განაცხადა პენტაგონის ოფიციალურმა წარმომადგენელმა, პატრიკ რაიდერმა.

ამასთან, მან ინციდენტის დეტალებზე საუბრისგან თავი შეიკავა და განაცხადა, რომ მომხდარის შემდეგ ნატო-ს ძალების პოზიცია არ შეცვლილა.

შეგახსენებთ, გუშინ პოლონეთის თავდაცვის სამინისტრომ გაავრცელა ინფორმაცია, რომ ორმა ბელარუსულმა ვერტმფრენმა პოლონეთის საჰაერო სივრცე დაარღვია.