ბათუმის საქალაქო სასამართლოში, პორტთან აქციაზე დაკავებული კიდევ 8 პირის სასამართლო პროცესი დღეს გაიმართება. საქმეს მოსამართლე ალექსანდრე გოგუაძე განიხილავს. აღსანიშნავია, რომ გუშინ აქციაზე დაკავებული 15 პირის პროცესი გაიმართა, ისინი სასამართლომ ხელწერილის საფუძველზე გაათავისუფლა. მხარეებს მოსამართლემ მტკიცებულებების შესაგროვებლად დრო მისცა. საბალოო გადაწყვეტილებას სასამართლო უახლოეს დღეებში მიიღებს.

ცნობისთვის, სოჭიდან წამოსული საკრუიზო ლაინერის ბათუმის პორტში შემოსვლას მოქალაქეების მხრიდან პროტესტი მოჰყვა. სამართალდამცავებსა და აქციის მონაწილეთა შორის რამდენჯერმე ფიზიკური და სიტყვიერი დაპირისპირება მოხდა, რის შედეგად შინაგან საქმეთა სამინისტროს თანამშრომლებმა 23 პირი დააკავეს.