დროებით ოკუპირებულ ყირიმში, გვარდეისკოეს დასახლებაში მდებარე რუსული ავიაბაზის მახლობლად აფეთქება მოხდა. ინფორმაციას „რადიო თავისუფლება“ ავრცელებს.
„დასახლება გვარდეისკოეში, რომელიც სიმფეროპოლის რაიონში მდებარეობს, რუსული ავიაბაზა არის განლაგებული. აეროდრომი რუსეთის ფედერაციის საჰაერო-კოსმოსურ ძალებს ექვემდებარება. ტერიტორიაზე 37-ე შერეული საავიაციო პოლკი არის დისლოცირებული“, - ნათქვამია ინფორმაციაში.
ყირიმის საოკუპაციო ხელისუფლება ინციდენტზე კომენტარს არ აკეთებს.
მედიის ცნობით, გარდა ამისა, დილით ყირიმის ხიდიც იყო დაკეტილი, ამჟამად მოძრაობა აღდგენილია.
