ირანის სამხედრო-საზღვაო ძალებმა 600 კმ. სიშორის რაკეტებით აღჭურვილი ახალი სამხედრო ხომალდების ექსპლუატაციაში შეყვანის შესახებ განაცხადეს.

ირანული მედიის ცნობით, აღნიშნული განცხადება სამხედრო წვრთნების დროს გაკეთდა, რომელიც სპარსეთის ყურეში მდებარე აბა-მუსას კუნძულზე ტარდება.

„სპარსეთის ყურეს კუნძულები ირანის ღირსების ნაწილია და ჩვენ მათ დავიცავთ", - განაცხადა სამხედრო-საზღვაო ძალების მეთაურმა ალირეზა თანგსირიმ.

შეგახსენებთ, სპარსეთის ყურეს სამი კუნძული ირანის კონტროლის ქვეშ იმყოფება, მაგრამ კუნძულებზე ტერიტორიული პრეტენზია არაბთა გაერთიანებულ საამიროებს აქვს.