რუსეთმა ბალტიის ზღვაში საზღვაო წვრთნები „ოკეანის ფარი-2023“ დაიწყო
რუსეთმა ბალტიის ზღვაში საზღვაო წვრთნები „ოკეანის ფარი-2023“ დაიწყო, რომელშიც რუსეთის საზღვაო ძალების 30-ზე მეტი სამხედრო ხომალდი და კატერი, საზღვაო ავიაციის 30 თვითმფრინავი და დაახლოებით 6000 სამხედრო მოსამსახურე მონაწილებს, - ინფორმაციას რუსული მედია თავდაცვის სამინისტროზე დაყრდნობით ავრცელებს.
„2 აგვისტოდან ბალტიის ზღვის წყლებში, სამხედრო-საზღვაო ძალების მთავარსარდლის, ადმირალ ნიკოლაი ევმენოვის ხელმძღვანელობით, საზღვაო სწავლება „ოკეანის ფარი-2023“ იმართება“, - აცხადებენ სამინისტროში.
უწყების განმარტებით, ღონისძიების მიზანია, შემოწმდეს სამხედრო-საზღვაო ძალების მზადყოფნა ოპერატიულად მნიშვნელოვან ზონაში ეროვნული ინტერესების დაცვის კუთხით და ასევე შტაბის მუშაობის თანმიმდევრულობა სხვადასხვა დონეზე.
„სწავლების დასრულების შემდეგ გემები თავიანთ მუდმივ ბაზებზე გაემართებიან, თვითმფრინავები კი თავიანთ აეროდრომებზე დაბრუნდებია", - აცხადებენ რუსეთის თავდაცვის სამინისტროში.
This is a modal window.
v-if="article.gallery" v-html="article.gallery"
