შეერთებულმა შტატებმა ისრაელს ნება დართო, საჰაერო თავდაცვის სისტემა "დავითის შურდული" ფინეთს მიჰყიდოს, - ინფორმაციას გამოცემა The Times of Israel-ი ავრცელებს.

ფინეთმა ნატო-ში გაწევრიანების შემდეგ განაცხადა, რომ აღნიშნული სისტემის შეძენა სურდა. ამას აშშ-ის თანხმობა სჭირდებოდა, რომელმაც აღნიშნული თავდაცვის სისტემა ისრაელთან ერთად შეიმუშავა. გარიგების ღირებულება დაახლოებით 316 მილიონი ევროა.

აღსანიშნავია, რომ პირველი შემთხვევაა, როდესაც ისრაელი „დავითის შურდულის“ საჰაერო თავდაცვის სისტემას სხვა ქვეყანას მიჰყიდის.