ევროპის ქვეყნები კვლავ ძლიერ სიცხეს ებრძვიან. ხანძრის ათობით კერის ჩაქრობა ჯერ კიდევ ვერ ხერხდება ესპანეთის, იტალიისა და საფრანგეთის რეგიონებში.

ივლისის შუა რიცხვების მონაცემებით, გაუსაძლისი სიცხეების გამო საფრანგეთში 80-მდე ადამიანი დაიღუპა. ინფორმაციას მედია, საზოგადოებრივი ჯანდაცვის სააგენტოს მონაცემებზე დაყრდნობით ავრცელებს.

სტატისტიკური კვლევების დასრულების შემდეგ მოსალოდნელია, რომ ამ სეზონზე სიცხის გამო დაღუპულთა რიცხვი კიდევ გაიზრდება.