პოლონეთის პრემიერ-მინისტრის, მატეუშ მორავეცკის განცხადებით, ჩრდილოატლანტიკური ალიანსის დესტაბილიზაციის მიზნით, ნატოს აღმოსავლეთ ფლანგთან კერძო სამხედრო კომპანია „ვაგნერის“ მებრძოლების გადასროლა მიმდინარეობს.

Reuters-ის ცნობით, აღნიშნული განცხადება პოლონეთის პრემიერმა ლიეტუვას პრეზიდენტთან, გიტანას ნაუსედასთან შეხვედრის შემდეგ გააკეთა.

მისივე თქმით, ნატოს წევრებმა უნდა გააცნობიერონ, რომ პროვოკაციების რიცხვი გაიზრდება, რადგან „ვაგნერის“ ჯგუფი განსაკუთრებით საშიშია.

ამასთან, ლიეტუვას პრეზიდენტის თქმით კი, „ვაგნერელების“ რაოდენობა ბელარუსში უკვე 4 000-ს აღემატება.

"ჩვენ უნდა ვისაუბროთ არა მარტო ეროვნულ დონეზე მიღებულ ზომებზე, არამედ იმაზეც, რა უნდა გავაკეთოთ, ვითარება, რომ გართულდეს, ბელარუსთან საზღვრების ჩაკეტვის ჩათვლით. ეს გადაწყვეტილება პოლონეთსა, ლიეტუვას და ლატვიას შორის უნდა იყოს კოორდინირებული", - დასძინა ნაუსედამ.