ირაკლი ქარსელაძე - აეწყო დროებითი ხიდი,  რომელიც დღეს დამონტაჟდება

რეგიონული განვითარებისა და ინფრასტრუქტურის მინისტრის ირაკლი ქარსელაძის განცხადებით, რაჭაში აეწყო დროებითი ხიდი, რომელიც დღეს დამონტაჟდება.

როგორც მან ჟურნალისტებთან განაცხადა, საჯარისო ნაწილები და მაშველები მდინარის მეორე მხარეს ხიდის დამონტაჟებამდე გადაიყვანეს.

მისივე თქმით, გაიჭრა ახალი დროებითი გზაც, რომლითაც სტიქიის ადგილთან სხვა მხრიდან მისვლაც იყოს შესაძლებელი.

,,წუხელ აეწყო დროებითი ხიდი, რომელიც დღეს დამონტაჟდება. მანამდე, დილიდან საჯარისო ნაწილები და მაშველები უკვე გადაყვანილი არიან მეორე მხარეს. სტიქიის ზონაში სრული მობილიზაციაა და სამძებრო და სხვა სახის სამუშაოები მიმდინარეობს. ყველაფერი კეთდება, რათა კოტეჯებსა და მიმდებარე ტერიტორიასთან სამძებრო სამუშაოებში მაქსიმალური პროგრესი იყოს. პარალელურად, გავჭერით ახალი დროებითი გზა, რათა უკვე ქვედა მხრიდან მივუდგეთ არეალს. ასევე, მიმდინარეობს გაწმენდითი სამუშაოები. ამ მომენტისთვის ყველაფერი გეგმის შესაბამისად მიმდინარეობს. ბუნებრივია, ყველა ეს სამუშაო, საბოლოოდ, მიმართულია იმისკენ, რომ ის ადამიანები, რომლებთანაც კავშირი ვერ ხერხდება, ვიპოვოთ“, - განაცხადა ირაკლი ქარსელაძემ.

ცნობისთვის, შოვში, მეწყერი 3 აგვისტოს ჩამოწვა. სტიქიის ზონიდან, ამ დროისთვის, 210 ადამიანია გამოყვანილი, გარდაცვლილია 11 პირი.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად