სლოვენიაში წყალდიდობას მინიმუმ ოთხი ადამიანი ემსხვერპლა

სლოვენიაში კოკისპირული წვიმებისა და წყალდიდობის შედეგად სულ მცირე ოთხი ადამიანი დაიღუპა.

მედიის ინფორმაციით, გარდაცვლილებს შორის ორი ჰოლანდიელი მთამსვლელია.

სლოვენიის პრემიერ-მინისტრმა, რობერტ გოლობმა განაცხადა, რომ წყალდიდობისგან გამოწვეული მატერიალური ზიანი 550 მილიონ აშშ დოლარს შეადგენს.

„ეს ყველაზე დიდი სტიქიური უბედურებაა სლოვენიის უახლეს ისტორიაში, რომელმაც ქვეყნის ორი მესამედი დააზარალა“, - განაცხადა სლოვენიის პრემიერმა.

სტიქიის შედეგად მინიმუმ სამი ხიდი ჩაინგრა, დაზიანდა გზები და ენერგეტიკული ინფრასტრუქტურა.

წყალდიდობა, ასევე, დაფიქსირდა ავსტრიაში, სადაც კარინტიის პროვინციაში, დაახლოებით, 80 ადამიანის ევაკუაცია გახდა საჭირო.

გიორგი გობრონიძე - სამხრეთ კავკასიის რეგიონში რუსულ-ირანული ღერძის შესუსტება, შესაძლოა, გახდეს აზერბაიჯანულ-თურქული ღერძის გაძლიერების კატალიზატორი
ქართული პრესის მიმოხილვა 07.07.2025
Bybit-მა საქართველოში ოფიციალური ვებგვერდი - BybitGeorgia.ge გახსნა, რომელიც ქართველ მომხმარებლებს ლოკალიზებულ კრიპტო სერვისებსა და ჯილდოებს სთავაზობს