რაჭა-ლეჩხუმ-ქვემო სვანეთის მაჟორიტარი დეპუტატი გოჩა ენუქიძე აცხადებს, რომ შოვში სტიქიის შედეგად დაღუპულთაგან 12 პირია იდენტიფიცირებული.

როგორც მან მედიასთან განაცხადა, ხუთ ცხედარზე მიმდინარეობს იდენტიფიცირება.

"12 -ის იდენტიფიცირება მოხდა. 6 ოჯახის მიერ იქნა ამოცნობილი, 6 პოლიციის მიერ არის იდენტიფიცირებული და 5 მიცვალებულზე მიმდინარეობს იდენტიფიცირება. დნმ-ის ანალიზი აბსოლუტურად ყველაზე კეთდება, ამოცნობის შემთხვევაშიც კი“, - დასძინა მან.

ცნობისთვის, რაჭაში, შოვში მეწყერი 3 აგვისტოს ჩამოწვა. ბოლო ოფიციალური ცნობებით, სტიქიის შედეგად დაღუპულთა რიცხვი 18-მდე გაიზარდა.