რუსეთის საჰაერო-სადესანტო ჯარების დღესთან დაკავშირებით გავრცელებულ მიმართვაში საჰაერო-სადესანტო ჯარების მთავარსარდალმა, გენერალ პოლკოვნიკმა მიხაილ ტეპლინსკიმ განაცხადა, რომ უკრაინაში 8 500 მედესანტე დაიჭრა და შემდეგ ფრონტის ხაზზე დაბრუნდა, ან საერთოდ უარი თქვა ფრონტის ხაზის დატოვებაზე, - ამის შესახებ გაერთიანებული სამეფოს თავდაცვის სამინისტროს დაზვერვის ანგარიშშია აღნიშნული.
მათივე ცნობით, ვიდეო სწრაფად წაიშალა რუსეთის თავდაცვის სამინისტროს ოფიციალური არხებიდან.
"მას კომენტარი არ გაუკეთებია იმაზე, თუ რამდენი ჯარისკაცი დაიღუპა ან ძალიან მძიმედ დაიჭრა იმისთვის, რომ მოვალეობის შესრულება გაეგრძელებინა, თუმცა ტეპლინსკის მონაცემების ექსტრაპოლაცია ადასტურებს შეფასებას, რომ 2022 წელს უკრაინაში განლაგებული 30 000 მედესანტედან მინიმუმ 50 პროცენტი დაიღუპა ან დაიჭრა", - აღნიშნულია ბრიტანეთის თავდაცვის სამინისტროს დაზვერვის ანგარიშში.
