ისრაელის სარაკეტო თავდასხმის შედეგად, ოთხი სირიელი ჯარისკაცი დაიღუპა და ოთხი დაიჭრა, - ინფორმაციას სირიის სახელმწიფო მედია ავრცელებს.

საინფორმაციო სააგენტო „სანა“ სამხედრო წყაროზე დაყრდნობით იუწყება, რომ თავდასხმამ დედაქალაქ დამასკოსთან მატერიალური ზიანიც გამოიწვია.

წყაროს ცნობით, ისრაელის მიერ ნასროლი ზოგიერთი რაკეტა ჩამოაგდეს.

ისრაელის ხელისუფლებაში ჯერჯერობით კომენტარი არ გაუკეთებიათ.