„ეიპიემ ტერმინალს“ ფოთის საოპერაციო გუნდი საზღვაო გადაზიდვების მიმართულებით გადამზადდა
„ეიპიემ ტერმინალს“ ფოთი აგრძელებს მუშაობას უსაფრთხოებისა და პროცესების მუდმივი გაუმჯობესებისთვის. ამის შესახებ ინფორმაციას ფოთის პორტი ავრცელებს.
მათივე ცნობით, Maersk-ის ტრენერმა იოჰან ვან ბერკელმა ახლახან დაასრულა ჩაბმა-გადმოტვირთვის საკითხზე თეორიული და პრაქტიკული ტრენინგი საოპერაციო გუნდის თანამშრომლებისთვის, რის შედეგადაც 8 სერტიფიცირებული თანამშრომელი შეიტანს წვლილს საზღვაო ტვირთების გადაზიდვის ოპერაციებში უსაფრთხოებისა და ეფექტიანობის გაზრდაში.
„განსაკუთრებულ აღნიშვნას იმსახურებს თითოეული მონაწილის აქტიურობა, მონდომება და მოტივაცია, რაც საბოლოოდ ხელს შეუწყობს საოპერაციო პროცესების ოპტიმიზაციას, გემის პორტში დაყოვნების საათების შემცირებასა და მომხმარებლების კმაყოფილების გაზრდას.
შემდეგ ეტაპზე სერტიფიცირებული ტრენერების მიერ მომზადდება სატრენინგო მასალა ქართულ ენაზე, რაც გაზიარებული იქნება კოლეგებში“, - ნათქვამია ინფორმაციაში.
v-if="article.gallery" v-html="article.gallery"
