ქართველები და უკრაინელები აგრძელებენ ბრძოლას მათი მომავლისთვის, რომ გახდნენ ევროატლანტიკური საზოგადოების ნაწილი, - ამის შესახებ ევროპარლამენტარი ანდრიუს კუბილიუსი „ტვიტერზე" წერს.

მისი თქმით, საქართველო და უკრაინა გაიმარჯვებენ და ექნებათ მომავალი, რომელსაც იმსახურებენ.

„15 წლის წინ პუტინმა დაიწყო ომი საქართველოს წინააღმდეგ და მას შემდეგ ქვეყნის ტერიტორიის 20% კვლავ ოკუპირებულია. ამის შემდეგ რუსეთმა დაიწყო ომი უკრაინის წინააღმდეგ. ასე დაიწყო რუსეთმა მომავლის დაკარგვა იმპერიული წარსულის ომებში. ქართველები და უკრაინელები აგრძელებენ ბრძოლას მათი მომავლისთვის, რომ გახდნენ ევროატლანტიკური საზოგადოების ნაწილი. ბოლოს, საქართველო და უკრაინა გაიმარჯვებენ და ექნებათ ის მომავალი, რომელსაც იმსახურებენ. იმპერიული წარსულის რუსეთი კი - წააგებს. ეს საჭიროა ევროპის კონტინენტზე მდგრადი მშვიდობისთვის", - წერს ევროპარლამენტარი.